اصحاب

اسم المدونة "خلينا اصحاب"

        لما حد يقرأ الاسم ده يفكر ان المدون صاحب المدونه عاوز يصاحب ناس كتير يعنى من الناس الاجتماعية الى بتحب تصاحب كتير!!. نخيل ان صاحب المدونة اصحابه تقدر تعدهم على ايد واحدة ولما يزيدو قوى ممكن تاخد صابع كمان من الايد الثانية والخنصر كمان ...

ايه الى انا بقوله ؟ ده زى ما يكون اى كلام والى يقرأ يفكر ان المدون ده واحد اهبل او عقله على قده بس علشان انا اعرف المدون كويس بقول لا. علشان هو مش عارف يصاحب بجد ممكن علشان محدش بيفهمه او الى عرفه بعد كده انه الى مش عارف يفهم حد ..

الصداقة يعنى ان يبقى ليك اصحاب ولا يعنى ايه نفسى اعرف بجد يعنى ايه الصداقة يا ترى هيا زى ما كتبتها فى تدوينة "الحب والصداقة" ولا هى حاجه انا معرفهاش ولا ايه بجد انا تايه ونفسى حد يقولى

تخيل انك بتروى شجرة علشان  تكبر و والشجرة بتموت علشان بترويها حمض يبقى العيب ده فيك انت ولا فى الحمض ركز شويه وانت تعرف . بس لما تركز وتلاقى ان الى انت فاكر انك بتحبهم وبتعتبرهم اقرب الناس ليك بيبعدوك عنهم يبقى لازم تفكر تانى ...

تعال معايا شوية نرجع بالايام وافتكر معاك حورا دار بينى وبين اثنين من زملائى يكون بينا سؤال ايه اكتر حاجه بتكره انك تلاقيها فى اصحابك وتسمع ردود ناس ويجى ردك فى دوره ويقول على لسانى " بكره انى اكون عاطى لحد مكانة عندى وعامله حاجه كبيرة وهو بيرجعنى لورا اكره لما اقرب من واحد بيبعدنى عنه " وتلف الايام واكون تانى فى نفس الوضع نخيلو بقى اعمل ايه فى نفسى  انا بصراحه معنديش استعداد اغير طريقتى مع اصحابى لان ليا اصحاب اغلى عليا نت نفسى  ولا عندنى استعد اعانى لانى بجد تعبت ياريت لما حد يعرف حاجه يرد عليا .